距離

我們當然可以當做是傳媒的慣技:林憶蓮開演唱會,沒衫換沒歌舞沒有人起身跳舞這種沒話題的報道,順手拈來在電腦內貼上『曲高和寡』的標籤,至少明天娛樂頭條可以引君一讀,何況我也不是倒你米,「曲高」這種至高無上的榮譽不是往你臉上貼金麼?只不過「和寡」露了底,終究是吃傳媒飯的人,一啖沙糖一啖屎得神乎其技,還要拿市場和觀眾來做擋箭牌。

其實即刻想到的是活脫脫的通識學習題:「各位同學,乜野係演唱會呀?唔唱主打歌係咪就唔係啦?唔跳舞係咪就唔係啦?換得兩套衫係咪就被列入呃錢一列呀?」「哦,呢位同學覺得無主打歌就誓係假,咁究竟演唱會係咪一定要唱主打歌呢?」「陳同學話無靚衫睇直頭要回水,咁大家係去睇演唱會定係去聽演唱會架?」「呢位就覺得佢唔講野實在太高傲了,出得黎行梗係要有一兩個笑話旁身,搞下氣氛,咁其實演唱會同楝篤笑有咩分別呀?」真是愈撩就愈多文化概念的基礎教育。

林憶蓮其實也不是另類得很徹底,她只是還原一位歌者應有的原則和要求。只不過我們看慣了大堆頭的人山人海,突然素衣一度兼夾高科技投影,「咁不如聽唱片算啦!」這種歌者和聽眾的距離真是可堪玩味,個個製作人都說要面向市場,以群眾為依歸,另一邊廂卻又總要自鳴清高,在記者面前說些引入新鮮元素的官腔。扯遠了,其實先不要問製作人的質素和誠意,先問問我們自己有幾心胸廣闊,面對不同型式的表演有幾多空間去容納接受,而不是先入為主覺得人家呃錢。

今次匯星的票價絕對不便宜,若果這班人看完之後仍有如上的怨言,你就知道在香港要做回自己(指林憶蓮)有幾難。就好像我前面幾位港女,全晚做不倒翁左搖右擺因為看不到台,唱得最肉緊之時可以互咬耳仔,唱得大聲時因為聽不到同伴談話而提高聲線,我也不知她們整晚聚焦的是那一樣東西。也難怪林憶蓮要多謝大家「忍耐的支持」。

留言

aulina說…
啋,原來你前面兩個係港女來喎~~

我覺得更抵死者,是報導取向方面沒有一篇敢說唱的奏的冇水準。

講真流行曲可以有幾高,小記在一啖砂糖之餘,實情也有揶揄大路睇show觀眾的接受程度?

熱門文章