2007-08-03

下流

U2變了樣後的反領polo其實好厚料但個cutting怪怪地/ G2000西裝都改良了但手臂位硬是很闊恤衫又確係幾挺拔/ 睇牌面giordano既底衫比baleno好著同襟洗/ blue star新開條副線賣緊slim fit抄izzue貨色但係平一半喎/ bossini轉了新型像貨色依舊但真係行得好舒服/ 查實samuel and kelvin軍人褲都幾好呀係衰在搵F4賣廣告/ 咁多間反領polo呢U2料最好giordano cutting靚bossini顏色多但料差囉/ 間間都出chinos又係咪咁多佬著呀老實雖然平/ 船襪就一定blue star最平啦但U2減價29蚊兩對長襪又係抵到爆/ baleno搵左劉華之後愈來愈大陸啦剩番底衫褲叫做最後防線/ 尖咀giordano成日都有半價貨好快賣晒架/ G2000有恤衫竟然附送袖口鈕你話咩世界/ 以前U2搵金城武楊采尼做廣告家陣乜鬼都無連catalogue都唔印想拎本都無/ 今季bossini有件麻質恤衫竟然同無印差唔多真係唔到你唔信/ 點解uniqlo變左七仔梗有一間晌左近二佰蚊條slim fit牛仔褲係咪想玩爛個市有錢大晒呀依家/ 點解2%彷converse布鞋標價899減價150都無人買我諗係關899事真係當人流架/ 天下奇聞今日見到有人著york

5 則留言:

聞爺 說...

你呢篇野可以話係近期既代表作。haha, 同埋本地d所謂潮牌好似果d兩個百份率咁,唔知點解d野可以賣咁貴,仲要一定有個大label貼住響件衫度~~

gar~* 說...

香港d鋪頭真係好過癮, 永遠減, 減完都仲好貴, 但轉個街口又有件九成相似o既賣緊三分一價錢...

大6果/觀鳥家 說...

好正!重正過我!

dosss 說...

終於得見果仔大師真身

zito 說...

this is awesome, mate!