2007-06-06

簡單


好了好了,正當雷仲得口口聲聲說要為蘇永康在今年弄一張歷年最高質素的大碟之際,我也想翻一點舊賬。大概就是蘇永康改編了桑田佳祐的海嘯成為《其實我很擔心》之後,相當徹底地令我對他遠離。蘇永康根本連原曲十分之一的韻味都未能舖陳,何況歌詞還相當累疊,把好一首感情豐富細膩的作品變成一首可有可無的廣東歌。


作了唱了這麼多年,仍然深受日本人的愛戴,桑田大叔當然不是省油的燈。我很懷疑,張學友的《每天愛你多一些》和許志安的《喜歡你是你》及《從沒這麼愛戀過》,其成績之卓越有否多謝過桑田佳祐。《每天愛你多一些》完全是難得一見的奇曲,句子急而短,感情卻層層疊推陳而出,其溫馨動人甚至有點出塵的脫俗。《喜歡你是你》則直率真緻,主歌一段更是難得地具有不畏天高地厚的坦承。《從沒這麼愛戀過》直承《每天愛你多一些》的溫馨醉人,然而不徐不疾的步履中似乎有另闢蹺徑的意圖,大概桑田大叔明白大路一條沒甚麼好玩,你愛我愛你誰人不容易說過夠?他卻偏偏探索眾多旁支,灰色地帶的跳躍把歌曲的情感立體化,致使受眾感到其溫馨之餘卻完全不發覺其實是來自感情陰暗面的快感。


說了這麼多,好事之徒又會說我自命不凡胡亂吹噓。是的,「有feel」的話,不怕多讚。桑田大叔最新的單曲《明日晴れるかな》仍然是感動人心的真誠之作。我們常說簡簡單單反而更美。桑田大叔的旅律看似簡單,其情感的濃度卻很高,甜蜜而不肉麻不造作,正是從簡單中看到不簡單,何況我根本就覺得這種信手拈來都是美的功架根本一點都不簡單。

17 則留言:

就是屁 強烈的不滿 說...

唔該你回下五月天o個篇o的cm
o的人睇完好大反應
你呢個人係咪應該負番o的責任呀

"大作家"!
服左你囉.
個個歌手隊隊band都比你彈
淨係mr children o的日本band先好

祟日la擺明
雖然我都鐘意glay

個個都有得比你話
你睇下你自己 作o的野好好咩

"出塵的脫俗"耍屌!屁

我的夢想算什么?! 給我答案! 說...

五月天真誠真心咁開唱
發自內心既說話

你當狗肺

五月天辛辛苦苦咁作曲
阿信認認真真咁填詞
十年都咁堅持夾band
呢o的rock power

你當狗肺

連五月天都唔識欣賞
莫講係mr children

咪又係有$ 有$先去到日本睇concert咋

死慳死抵儲$睇hk concert

去完一次日本就話夢想
是是但但寫800字就算
你寫野o個時有冇諗過

自己o係度踐踏緊其他人既夢想?!

你既夢想就係夢想
其他人既夢想就係假搖滾

屁啦

你說 說...

我係好事之徒
咁邊個先聊者賤?

wtf 說...

其情感的濃度卻很高,甜蜜而不肉麻不造作,正是從簡單中看到不簡單,何況我根本就覺得這種信手拈來都是美的功架根本一點都不簡單。

你唔好用呢句野就當係答左我
你咁講係咩意思?!
簡單而笨拙又係咩意思
大作家
唔明囉
你覺得這種信手拈來都是美的功架根本一點都不簡單。
咁又話阿信寫o個o的簡單而笨拙
?

你唔係胡亂吹噓
係胡亂批評!

Arts 說...

"每天愛你多一些"中我真的覺得歌詞較旋律好好多. "......感情卻層層疊推陳而出" 我估應該是指詞掛, 當然我無聽過日文版, 但廣東版給我的感覺如是

K 說...

嘩!五迷踩場呀!
愛的力量真的不能忽視,今趟dosss兄有排煩。

宇宙人 說...

我哈日
我祟洋

我.撐.你

匿名 說...

係有排煩呀
鬼叫o的人咁串

我有既係時間
唔似o的大作家咁忙囉

匿名 說...

你可以話我愛五月天
但係我唔係盲目咁種

唔關事既人可唔可以收下
你點知我用咩立場o黎睇呢件事

佢如果係批評得有point
咁仲邊有人會唔据?

匿名 說...

只是一個會踐踏別人夢想的作家
最不欣賞的

Bighead 說...

五月迷叫人唔鍾意就唔好去睇同唔好批評~~
咁呢到有咁多五月迷不滿的文章, 唔鍾意就唔好睇啦~~~

真係自打嘴巴!!!!

匿名 說...

我冇叫佢唔好批評喎
我話佢批評得冇POINT咋啵

我係有叫佢唔鍾意就唔好去睇
你估我又好想睇佢寫o的野架

我未睇之前都唔知佢嘜料
無意中有人叫我入o黎睇話有寫到五月天o個o的
點知佢咁唔鐘意五月天呀
我一早知仲會入o黎咩

咁佢唔同ar ma
佢一早就唔鐘意五月天 咁去o黎睇做嘜喎

你話我講得牽強都好

但係我真係一開始唔知佢係嘜水囉

仲有呀 唔該你睇清楚我係講緊咩野咩point咩立場 唔好睇o的唔睇o的
仲要o係度挑骨頭

匿名 說...

自打嘴巴!!!! ?
個大作家冇咩
佢寫o個句"我們常說簡簡單單反而更美"
咁又話五月天o個o的係簡單而笨拙
又話"覺得這種信手拈來都是美的功架根本一點都不簡單"

咁佢冇自打嘴巴ar

你有冇睇清睇楚架

阿叔?!

aulina 說...

博主真是大方。

匿名 說...

五月迷, 既然你係一個迷,
你一定唔會鍾意聽到對五月天o既批評.

但無論如何,
以五月天今時今日o既勢力,
fans群也不會因此而萎縮~
我所指係在此有關五月天o既一小篇文章
如果繼續同dosss兄批鬥下去
只會顯出你們在大石擲死蟹
當然啦,或許dosss兄根本也無意接蕉

請自重及顯出對他人o既尊重

如果你們再一意孤行地認為
dosss在人身攻擊五月天,
中傷五月天,並有意令到佢地無飯開, 無fans要, 無人鍾意,
而繼續向dosss兄開火,
你們也未免太看得起他了。
(基本上公眾人物就是要承擔起一些批評)

有麝自然香~
請不要再繼續這樣無智的損人不利己的人身攻擊的大石擲死蟹遊戲~
還給這裡一個寧靜的空間。

也是我們讀者需要的一個讓人反思o既空間,謝。

請不要再逼迫我們閱讀著跟本與本文無關而只得五月天的言論。

作為一個讀者, 我亦只想聽聽不同的聲音, 不代表我只一面倒地絕對贊成dosss的一言一語。

匿名 說...

大石擲死蟹?根本唔係.呢篇野全部am都係出自我本人
仲有 我唔覺得呢個係game
我唔係o係度hea,而且
身為五迷,我唔係唔鐘意聽到有關五月天既批評
只要係批評得有point 一定會心服口服
但係我覺得佢並唔係囉






我冇迫你地睇淨係得五月天既言論
可況你只在乎於睇大作家寫既野
又唔係睇我呢o的一介草民寫既野

你覺得我寫既野你廢既 就無需多理 大可當我痴線 (因為我冇諗住你會睇)

仲有 我幾時無智的損人不利己的人身攻擊?!
我講既野全部都係abt mayday.
我點敢攻擊呢位受萬民景仰既大作家?

如果你認為我既文字有o的過火.但係我絕對冇咁既意圖(人身攻擊) 我只不過係想個大作家為o個篇日記作解釋。

我覺得屁 就係因為我唔明佢係以咩角度去寫
點解要咁寫 係咪問下都唔得?

你唔係好明我既觀點同立場囉
有嘜理由就係因為佢一篇既野
我就會覺得佢令到五月天冇飯開?!
唔係低b既 都知係冇可能 同埋呢個大作家咩料先得架
我只係唔明點解佢諗野咁偏激.要一面倒咁去批評呢個concert
係惡意批評.我認為



其實我唔知呢位dossssssss兄係嘜料
公眾人物?!我唔知.請體諒.如果你知請話比我聽佢嘜料
我亦唔覺得佢自重及顯出對五月天對其他歌手o既尊重

只係一面倒咁去批評.連其他華語歌手都係.唔只五月天

我o係呢度只希望佢以后可以以一個客觀既立場去批評 顯出對其他人既尊重。

ok thx.記住
我係理智咁去睇呢件事
我想反問:到底係邊個無智咁去睇呢件事呢?

歡迎隨時去我xg炮轟:emilyashin
我亦都唔想日日上o黎呢度咁煩

唔係得你地煩 我都煩

匿名 說...

>唔係得你地煩 我都煩

咁都up得出,好野!掌聲鼓勵!!!

三吾識七,九吾搭八,走上來人地blog然後講D咁既野,看到真係吹到啤一聲,你煩o吾煩關人差事?五月天有你這一類攪事啡屎都應該要返去反省下!我吾識dosss但係都忍吾住要講句:「咪理班傻仔!」

路人甲