2006-07-14

軟硬

今天軟硬加開的最後一場演唱會公開售票,我卻已經無心購票。他們第一次加場時,我也嘗試去過藝術中心購票,看到龍尾在門外轉角已掉頭走人。自從林海峰的三字頭之後,已喪失了對軟硬的熱情,今次的復出就更是「大茶飯」式多角度掠水運動。畢竟今日的軟硬已不是老人院的軟硬,更不是十多年前逢星期六必聽的「yes sir俱樂部」的軟硬。


作為香港娛樂圈的一?奇葩,軟硬的復出初期確實予人一重期待,他們會否又有新意思新搞作。到現在為止,其實不難看見他們的搵銀心態,又或者是技窮的困境。出tee,搞限量,軟硬logo,出產品,和其他品牌出crossover,無一不是過去十年所謂日本潮流界都已經做到厭的搞作,牌面無疑是先聲奪人,但其實也不過是熟手技工,照menu執藥三碗水煎理一碗搞掂。那些logo的所謂設計也貫徹如bathing ape帶頭的好聽就係簡約得意唔好聽就係是但潦幾筆的草草之作,真係uniqlo七十九蚊件的設計tee都靚過佢。唔緊要,就算點樣草率過骨,都會係潮人熱爆單品,宣傳機器統一口徑舖天蓋地軟硬復出潮界盛事,後生仔女中生kidult又點可以執輸唔輪番件唔買番張飛重溫舊夢?


軟硬當年深得人心的大抵是其不為甚麼的破格作風。當年根本沒有人會用如此風格來做電台節目,兩個小時的所有內容全部虛構,密集的語言運用完全沒有章法可尋,卻偏偏是這種混雜及毫無關連的文本成就出一種挑戰固有概念的行為作風。最經典的軟硬就是在「電話號碼係:拉晒佢地返去」、「bb峰同bb輝教你整水槍」、「參加表格刊登於今期墨西哥」、「全世界最暢銷唔賣得大碟」的時期。


軟硬於91年出版的「車欠石更」開始展示兩人的改編歌品味,環顧當時的樂壇也不會有人找那些偏到唔偏的歌來改編。往後的「廣播道fans殺人事件」很多人的焦點都只是放在首張廣東rap大碟的劃時代意義之上,然而當中的音樂話題性卻甚少人能具體作出評論。音樂的製作固然是新派音樂的作風,但卻不是被認為是rap絕配的清一色hip hop,反而是techno、breakbeat、reggae等在當時算是少人用的樂風。論歌詞除了「請勿客氣」和「老人苑」稍為敗筆之外,其他作品都是題材獨特詞鋒辛辣,黃偉文初擔大旗的「非常口」已經隱隱開啟新一代年青人那種hyperlink網絡式的思維風格,所以由林振強填的「請勿客氣」就算有王菲客串也難掩老態。「中國製造」看似胡亂拼砌所有中國用語,但在不同詞語的刻意排列和對比下看到不少政治及社會現狀的隱喻。


軟硬的新歌「Long time no see」都是為演唱會造勢的熱鬧堆砌,歌詞竟然有點反軟硬的獨立等行作風:一向不大談兩人友情的軟硬也竟然談起友情廿載不變,軟硬竟然變了溫拿樂隊話當年?

4 則留言:

Henry (孝順仔) 說...

明知佢地食老本, 所以已經將期望降至最低點去聽long time no see, 但係仍然得出一個結論, 非常失望.......

Jenny 說...

不知大家是否記得, 我當年最鍾意聽"專業追債 馬迷投票" 的慈善top fit 流行榜.
佢地改??英文歌詞做中文, 如將Frankie goes to Hollywood ? "relax" 可以變成 "至叻", 好無聊又好好笑~

今日, 他們太多計算, 反而有點失真.

Aulina Chan 說...

套返黃子華棟篤笑的一句「搵餐晏遮」……

艾雲部落 說...

Dosss :

今次軟硬復出,一開始就已商業去行頭,由新年的m記廣告開始,至而家的手機,tee,茶几,甚至梳化都有 product

之但係張唱片本身又係唔係你講到咁一文不值呢?個人覺得都可以收貨,一早已經知道今次隻唱片只是成個計劃中的一部分,有新歌,有新碟已經是 bonus , 唔好和經典的 "廣播道fans 殺人事件" 去比較就沒問題了