情節

  • 「所有我地可以做的都已經做晒,你地節哀順變啦。」醫生在手術室出來時說。
  • 「在醫學角度來說,他已經成為植物人。過往的案例顯示,有些病人很快醒來,亦有些很久都未醒。現在,所有都要靠他的意志了。你最好有定心理準備。」醫生向家屬講解某角色被人弄至重傷。
  • 一個剛失戀的男性上了計程車後,掏出三百元,並大聲地向司機說:「是但兜下風啦!」
  • 五代同堂的家中,所有人都會排在長輩後面,就著一件事而發表議論,並且必須要一人一句講完才算數。《高朋滿座》有大量例子。
  • 「阿女(或阿仔),呢度有兩張戲飛,你同阿陳生(或Mary)令晚去玩下啦,唔駛咁早返屋企架!」
  • 一家人一齊食飯,永遠都有五菜一湯,五菜中必定有炒蛋,而永遠有一兩人只會用筷子篤篤下而不夾菜。
  • 同上,富豪在家吃早餐時一定是著睡袍,看英文報紙,太太則一定set好頭著套裝坐在旁邊,馬姐永遠在富豪身後,而早餐則是煎雙蛋搭煙肉/腸仔及用白色瓷杯裝著的咖啡/奶茶。那些仔女永遠都遲過父母出現,而通常食到一半就會話返公食剩半份早餐。
  • 老爺正在看文件顯得有些累,老婆或仔女這時奉上的永遠是燕窩或蔘茶,還必定是用「萬壽無疆」字樣的紅色瓷杯(對,只是富豪才用的)。
  • 富豪在劇中討論的永遠只有幾樣:股價、合併、遺囑。
  • 「我咩都唔想要,只係想等你杯新抱茶!」阿媽/祖父母適用。
  • 「你明唔明架,我地唔夾架,我地係兩個世界的人!」分手時適用。
  • 主角掛斷電話之後,真的可以去到醫院,而剛才那個通知他去醫院的電話中,根本只是說:「你xx依家晌醫院呀!」而唔係「你xx依家晌xx醫院呀!」
  • 我想問:點解一間上市公司的管理層可以有咁多個名叫「Uncle」的物體?
  • 雖然這一句是真的存在,但我一直很懷疑真實生活中有沒有人會於執勤時講過:「你可以唔講野,但一講野就會成為呈堂證供!」
  • 差人做野,槍可以唔帶,向法庭申請的「搜查令」則不可不帶。
  • 角色爭執時最常用的法律術語叫「你講咩呀!我告你誹謗架!」

我愛《情陷夜中環2》中葉蔙眼睥睥的表情,愛麥嘉琪竟然親手造低盧海鵬,愛張文慈把「出trip」和「copy」說成「出cheap」和「cut pe」,愛盧海鵬作為全港大富豪卻可以好容唔見份遺囑,愛謝賢那幾副型爆的太陽眼鏡,愛葉蔙和麥嘉琪那不知由甚麼轉化成為互相仇恨的對壘。

留言

說…
張文慈既英文真係爆爆爆,猶記得第一輯佢成日叫阿林韋辰做阿*抄s*......
匿名說…
Dosss,你仲漏左兩句——每當女主角有親人過身/被殺後,肯定會去酒吧飲悶酒(遠處會有個外國人都係度飲酒),然後有醉酒佬調戲,跟住男主角入黎,女的立即兩行鼻涕咁擁入他的懷?,喊:「我撐唔住啦。」
有人感冒,梗係會有另一個去佢屋企大獻殷勤,而病果個屋企一定什麼食物也沒有,之後就有人幫佢煲粥。(最新例子:《法證先鋒》)
aulina說…
夜中環我有睇第一輯架,不過真係唔係好頂得住葉璇所以今輯冇完整睇過一集...睇完你篇部落又唔覺得有乜損失囉...
losing loser說…
(類似第二段)
阿媽:"我個仔幾時會醒翻?"
醫生:"到目前為止,我地醫學界對人腦 o既認知仲係好少.以佢 o既情況,一年唔定,十年唔定,甚至第二日就會醒翻 (blablabla...) 呢個好睇病人意志..."

老爺隻"萬壽無疆"杯仲要襯國產凌凌漆周星馳果件棗紅色絲絨晨褸.

大婆見老公同二奶上左車,佢手一遞的士就即駛埋來,注意條街往往靜過半夜飛蛾山.

「你可以唔講野,但一講野就會成為呈堂證供!」
唔記得係咪睇警訊話,呢段野拉人之前警察一定要講,如果唔係第日辯方拗翻轉頭成件案都要取消.
PETER說…
醫生:「我己經盡哂力,對唔住」但係個樣好似岩岩飲完high tea一點也沒有出過力的跡象。

「媽,我對你唔住…」阿媽或阿仔臥床均可。

坐的士永遠伸手就有,且甚少要找錢。

去沙灘永遠只曬太陽。

「你冷靜D先啦/唔好咁衝動」現實生活極少用的對白。

去餐廳/酒樓,對白聽得清清楚楚永遠冇雜音。

籌款節目永遠講了很久才說「事不宜遲」又「簡單」又「隆重」的亮燈儀式。

對不起,有點離題;其實好少睇電視了。(這句不包括在內)
Jenny說…
離一點題: 近日工作上有同事想找一隻萬壽無疆杯, 原來現在的萬壽無疆碗筷都只有塑膠的... 唔知?富豪仲肯唔肯用呢
losing loser說…
jenny:

有無搵過裕華,中藝,元朗中都...(e-bay?)
aulina說…
整乜鬼你個icon越變越低死?
arnoldii說…
「你可以唔講野……」那一段警誡詞,看《警訊》的模擬片段隨時可見。第二句是「除非你自己想講」,不知是不是因為有人商榷原句未充分告知疑犯的緘默權而加上去的。

熱門文章