睇唔過眼：反領Polo

點解家陣興著反領Polo將條領真係反出黎？乜你地真係好想扮架仔咩？定係驚太陽曬傷條頸？剩係任達華呀呂米高呀先至以為反條領出黎好型，其實只有老餅先咁著。唔該啦，唔好再反條領出黎著啦，不論板仔look古著look斯文look運動look都無人咁樣著架。最衰係U2，上一季開始出的反領Polo全部在領位內車多一修顏色布，就係俾d潮人反領著露條色帶出黎。你睇人地佐丹奴賣多色Polo，最大陣象咪最多晌入面加多件造layers，邊會有人反領著架。反領必佬，佬必反領。