古巨基 - 勁歌金曲

開演唱會之前一定要有隻新碟造勢，這是香港樂壇不變的定律，不過出碟都可以好純粹咁分為呃錢同唔呃錢兩種，好明顯古巨基今次係呃錢，不過呃得好叻果隻。原本以為上兩張玩概念都叫做有d新意(雖然都有d肉麻)，叫做返到黎吐氣揚眉唔駛失禮街坊，點知年頭有個男歌手獎後就乜都出晒黎，出隻新曲加精選叫做keep住人氣又可掠水，真係晚節不保。
拿拿林搵隻「勁歌金曲」黎聽，原本諗住呢類食gimmick的曲式一早被wyman玩殘，依家先黎玩實在拾人慧牙，唔緊要，玩得有新意照樣收貨。點知一聽lai野，往往呢類事件都係致敬為名，偷懶為實，每首歌得幾句，轉接又唐突，想做到百老匯歌劇feel到頭來只係十二分十分寸的廿一世紀核突版。古生把聲又太投入，搞到我打冷震，玩串燒歌都唔係話人人都玩得起(不過話時話，唔多見外國有人玩串燒歌，香港都可算又多樣世界第一)，睇番d歌詞又係情歌串理一齊，係咁多，無話好似陳奕迅當年首「新曲加精選」咁玩歌名串埋然後柳暗花名又一村，竟然係首慘情歌，wyman呢首都可算佢代表作，古生今次真係純粹copycat得黎又無創意，抄都唔識抄。首monica都叫不過不失，比起首大雄又真係差幾皮，臨尾仲要翻炒以前舊作更加俾人覺搵笨，其實出張全新大碟又有幾難，不過家陣粉絲門都無你咁理性，碟照出錢照俾，皆大歡喜。
今年生日諗住支持下我地唯一會聽的本地歌手古生演唱會，聽完隻碟，都係唔好諗佢會有咩好野，上次拉闊已經見識過佢掛住喊唔唱歌的奇技，今次去紅館仲唔光宗耀祖？幾歹喊翻番幾首歌，粉絲見到一定覺得感性有feel，仲唔嗌大聲d咩。唉，都係唔好預佢唱翻「分手我們抱著哭」吧啦……