Tribute to Nora Leung

Profile: 城中少數有品味又穿得好看的低調名媛，自少接觸名牌，由Valentino、Versace、Thierry Mugler到Hermes、Prada、Dior等等，無一不曉，無一不買。經常周遊列國，去到邊買到邊，購物經驗豐富而多采。

我份人鍾意超喪買名牌，世界上大部份top brands我都試過，然而一次到旺角的經驗使我另眼相看：原來旺角都有咁多好brands!

講真，有咩大場面未見過，但工作關係(名媛都有工作！係呀，雖然我無講做乜)，同朋友去旺角行一轉，真係好多好野用黎mix and match!

一出地鐵站口，掃街行動開始！一見giordano，原來佢地咁simple style，仲新出concept品牌，有點外國簡約中見心思！價錢卻係十分一，平到笑，平時粗著都見得人！

打落去有一小品牌叫baleno，質地摸落ok，款式更簡單，最緊要係平！佢地最好係underwear，純棉夠basic無花巧，原來香港真係有寶！

隔離三層高bossini，以前未入過去佢任何一間舖，估唔到佢玩概念舖，似足青山原宿feel! 我當日就買咗一打背心，諗住襯吓衫，抵玩，著完即扔都抵！

對面有G2000 black label，質地好，原來香港都可以有量產高質suit！講真著上去真係唔輸大牌，有cutting，就算係抄都抄得高章！

行番出大街，見咁多counter晌度，朋友話呢d叫易拉架，企晌度果d係sales，主要係賣健身房套票，上網，電話plan咁，大開眼界，原來香港有個咁地方，好有feel！政府成日話咩創意，無用啦，旺角呢d就係創意！

今次真係收獲豐富，我諗下次我都唔會再黎啦！