獅子山下

2007前的獅子山下精神


  • 勤力、走對路、負責任是生活的唯一條件。
  • 「既是同舟,在獅子山下且共濟!」。
  • 偶像是羅文(大陸仔乜都唔識來到香港靠拼勁靠熱誠仲有不死的決心成就一代靚聲歌王),李嘉誠(白手興家又係乜都唔識來到香港靠拼勁靠熱誠仲有不死的決心成就一代地產王國)。
  • 手信是蝦醫(南丫島土產)、蠔油(流浮山特產)、嘉頓餅乾(返鄉下必備)。
  • 尋日黎香港今日就開工無假期商糧訓樓梯底一直係咁捱好在夠生性無不良嗜好家陣叫過得去真係一字一淚。
  • 「阿仔,讀好書,等時大個咪可以坐大班椅,做經理,日日返工簽個名就有人工收。」


    2007的獅子山下精神

  • 勤力、走對路、負責任是生活的其中一些條件(非必要),其他包括學歷、家底、兩文三語、好唔好彩、識咩人、狗唔狗、吹唔吹到水、個樣夠潮/扮潮、係咪可以無料扮有料。
  • 阿仔會同阿爸講:「讀完master都係得萬零蚊人工,你叫我點樣信你果套呀?」
  • 通常只係上流社會講大家要同舟共濟少點埋怨肯轉型便有轉機,下流社會只會向上流社會講你們去死吧。
  • 結構性失業的人,禮貌地被稱呼為「不幸」,潛台詞是「唔抵可憐」。
  • 來港的手信是老翻、老翻、老翻而不是奇華。
  • 大學畢業兩文三語良好可被屈可OT不加薪每天工作十五小時唔包車費飯錢唔放假都無人請真係一字一淚。
  • 「獅子山下?沙田定慈雲山先?」(抄我老細講既,謹此致謝。)


    逆境自強、同舟共濟、努力向上、這就是香港人的獅子山下精神……我們都知道阿媽係女人,不值得講完一次又一次,不值得自傲,再講到天花龍鳳只會叫人感到講者的自我需要別人大量的認同而生成。
  • 留言

    匿名說…
    依家聽見獅子山下精神都起雞皮,十足十大陸個啲雷鋒精神咁公式化。
    Deetsang說…
    我老細被迫要去o的十九研討會講獅子山下精神, 要我寫料....真係越寫越火滾!

    獅子山下精神只求個人拼搏, 社會和其他 stakeholder 的責任在哪裡???????

    而家仲講獅子山下精神, 扑街啦!
    Deetsang說…
    BTW, 我會偷野,轉載你篇文去我個 blog!
    aulina說…
    "大學畢業兩文三語良好可被屈可OT不加薪每天工作十五小時唔包車費飯錢唔放假都無人請真係一字一淚。"

    四十幾"坐大班椅,做經理,日日返工簽個名就有人工收。"會覺得我們說上面的是自命不凡... 細仔問我:你返工做乜架?我真係唔識答。
    匿名說…
    1) 喂阿湯開左個新blog喎,地址 blog.roodo.com/tongsiu。
    2) 黑鳥全集,有無興趣(詳情電話講)。

    熱門文章