2005-10-01

林憶蓮《本色》


林憶蓮出碟,唱片公司梗係要大事舖張宣傳一番,所以第一首派台歌《本色》的音樂錄影帶,就被唱片公司標榜為用七位數字打造的豪華製作,以顯示林憶蓮的金牌地位。一看之下,唔係下嘩,七位數字就是請來一大班模特兒出來亂跳一通,話有三台佈景,其實又咪係全部廠景,至靚咪用白色海綿砌到成個2001太空倉咁。剩下來的,唯一實在的,就是那三套名牌靚衫又真係幾靚囉。我最不滿就是整個音樂錄影帶其實毫無新意,基本上照dub黑鬼rap歌的模式,成班人開P跳到九彩,個主角就無啦啦入黎界女界仔,跟住就無啦啦成班柴娃娃大合跳,總之就熱熱鬧鬧叫做搞起個市。但係大佬呀,林憶蓮喎,七位數字就係咁架啦?就係用在模特兒的人工啦?首歌叫做有些少格調丫,唔會太過Mark Lui,林憶蓮都唱得好有節奏感,用快歌做主打算做有膽色,但係我又唔明林憶蓮點解肯俾呢個老奉MV過骨,人老左真係無晒火氣?