2008-01-03

教壞細路

「我們的土產賣藝者左一聲artist右一聲artist自居,擔當得起名銜的接近零,沒有誰不是看花錢大爺的嘴臉做人,事事以市場先行,毫無藝術家氣質可言。」by邁克@蘋果日報 3/1/2008

「歌手只是唱片公司的一隻棋子。」李克勤說。雖然是事實,但香港人可愛的地方在隻眼開隻眼閉,無乜事的話大家好來好去相安無事。金牌卻可以突然杯葛新城,為何明光社不出來說說話,這種沒有體育精神的行為(沒有獎便杯葛)會不會對下一代構成形響,情況類似「你唔俾個A我,我唔黎考試架。」還有就是不要再說怎樣推動樂壇了,這樣子杯葛就是赤裸裸地突顯買賣場質地。

輪到何韻詩,港台沒獎拿便不出席。她說港台一向不喜歡她的音樂。用同樣的比喻:先生俾咁低分我,佢一向都唔鍾意我架啦!但不會去想想其他更客觀的標準,如評審準則等。又或者何對自己的音樂事業太有信心,認為港台唔識貨?但既然在其他頒獎禮又乖乖出席,莫非她認為港台那個特別沒公信力?

我不懷疑歌手的努力,亦尊重他們在逆境中掙扎求存,但大家都知現在是蜀中無大將的年代,就算你拿了甚麼獎,也不見得是難能可貴的恩賜,所以免得過就唔好再喊了。

側田《男人KTV》拿推介獎已引證了商台那班人的品味,就連吳雨靡那首和容祖兒那首有如雙生兒但面目模糊的作品也可以拿獎,實在不能說服我你們如何正視音樂。

看許志安上台拿獎,唉,其實你應該拿的,早在華星時已是佳作無數,現在還要同成班後生仔女同台,拿獎那首又不是特別出色,世界真難撈。

究竟方大同去左邊?《愛愛愛》點解無人理?係咪我記錯唔係07年出版?點解好人無好報?

6 則留言:

gar~* 說...

《男人KTV》得獎了?!?! 唔睇你個扑都唔知... 其實我一直咁唸, 橫掂都係分豬肉, 點解唔分俾o個個歌手一首好少少o既歌? 都已經唔係公唔公平呀, 有無才華呢d問題, 而係d大眾taste-maker o既口味越o黎越差呀~

aulina 說...

你真係記錯喎,愛愛愛係06年底架。

但係計cut off day,其實應該係07……

我覺得大同計過數,明知自己d歌唔會俾各大傳媒「恭奉」,所以每年都係12月底嚟出。一嚟個檔期根本冇乜人出,二嚟,佢應該係走niche……

宇宙人 說...

算啦 ....

AY 說...

頒獎禮不是用來頒獎的,是用來揾錢的. 金牌不出席無咩所謂, 就正如你去餐廳食飯, 滿左你都會出第2間啦,你無理由去比錢但係唔食野架ma(咁樣想好似比較容易理解/接受)

barb michelen 說...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

匿名 說...

thanks for share........