陳奕迅 Get a Life演唱會

看的是第五場,陳奕迅很有自信的說,今晚的歌詞唱得最好。難怪他這麼說,演唱會的編排就是要大家多留意歌詞,也就是陳奕迅想大眾將焦點放回歌曲本身吧。沒有握手位、沒有encore、沒有說話這些已有很多人提過,將演唱會當做音樂劇一樣去編排也不是新鮮事,卻偏偏就是考驗一位歌手有否這個決心及膽量去將這些付諸實行,看他能否承受香港人那種欠缺耐性聽故事而肆意追求觀能短期刺激的性格而可能招致的惡評。古巨基、李克勤不敢做(或者是不懂做),陳奕迅做到了。

我對「傷信」、「葡萄成熟時」有極度偏見,兩曲旋律都是老套非常,「傷信」故作煽情,卻是九流質素;「葡萄成熟時」旋律感情吞吞吐吐,副歌段死唔斷氣,情感卻毫無昇華,那段「有個某某」的「三連音」位直是老人家喋喋不休講道理。我以為陳奕迅講過不唱「傷信」是知道這曲其實很差,現在卻甚至配合管弦樂演出實在令我有點跌眼鏡。

  • 看陳奕迅唱歌的神態,我方才感受到他真的是喜歡唱歌的。對不起,古巨基是做個樣出來好似好鍾意唱歌,李克勤則是「鍾唔鍾意唱歌唔緊要,我係實力派。」有分別架!
  • 我發現原來「活著多好」非常好聽,還有「單車」,非由陳奕迅唱不可。
  • 陳奕迅多謝:「我的愛人幫我做衫!」呢句非常好,樂壇真係有轉變,校長不用再收埋個老婆或仔仔啦!
  • 香港市民係又拍唔係又拍,好在隊band同陳奕迅識跟住拍子唱,唔係就亂晒籠。原來仲有好多人會在冷門歌之時傾偈,拆膠袋同打喊露,撞鬼。

    星期六有曾我部惠一、跟住有關淑怡,唔,我有點擔心關淑怡那個show。

留言

匿名說…
我都覺。講真果三個所謂熱門男歌手。真係出黎唱歌既只有陳奕迅。其他果兩個只係做生意。
單車本來就係好歌,仲要非陳奕迅演繹不可果種。活著多好都係。

得把聲好,同有把好聲之餘又投入感情,係兩碼子事。
littleoslo說…
生意人一定有,但係我真係唔buy古巨基同李克勤
匿名說…
eason無論做咩都會有人buy啦,因為以前就系靠整d怪?出位,?曬時下年輕人D口味,唔怪唔出位就唔鍾意~~所以對其他努力?歌手極其唔公平,講真我就唔buy eason今次演唱會?造型,可能我唔識欣賞呱,真系好得人驚,累到我冇心思聽佢唱歌~~
aulina說…
其實邊個開show都唔緊要,因為邊個show我都去唔到……

唉,你話如果有演唱會可以好似兒童音樂劇咁kid-friendly有matinee,等我呢種師奶一族可以扶老攜幼,又唔怕夜左咁一齊欣賞你話好!老實講我兩個細路響我薰陶下真係好鍾意睇show,但係又夜又嘈我到而家都冇膽同佢地去睇,所以好想有matinee。

唔好以為我又響度天方夜譚,英國差不多所有west end shows都有matinees。真真期待有朝一日不只樂壇教父不用收埋老婆仔女,更可以開show招待大人細路一齊睇。
匿名說…
我發覺你份人係主觀到綁死自己,唔識放鬆個隻…
就連聽演唱會、聽大碟你都可以咁憤世派…
我知,對音樂要求高係好,
但我又唔覺得太過執著有任何絕對好處。
對於陳奕迅同古巨基,我覺得佢地已經算係香港樂壇既最後兩道清泉,
前者聲靚和感染力強,後者表達訊息同以歌會眾,
但你總係雞蛋裡挑骨頭,大說虛情假意同滿口道德,
好,我就當佢地真係虛情假意同滿口道德,
但你係依個社會生活何嘗冇戴面具裝正義?
講番佢地兩個,唔計唱功,佢地兩個起碼真係用心做碟,
你睇下依家d所謂歌星,負面新聞多,
做新聞仲多過做碟,有幾何真係比心機咁做碟?
反之,佢地兩個真係好少負面新聞,
因為兩個都愛工作愛音樂,顧家冇搞三搞四。
問心,好似justin bieber依類歌手,
係紅既,但有冇真心去回饋聽眾?
答案早已呼之欲出。

熱門文章