評分

又係paco。記者問你覺得梁漢文演唱會怎樣?你俾幾多分呀?「籌備時間太短、準備不夠,我知佢好用心,但最多俾80分。」


記者很多時都會叫歌手自己評分,但我最不明白藝人往往都不會話自己是100分。你出來表演,我們要俾錢來看的,好聽d講就係一買一賣,本質是交易。你話自己未做到一百分,那我即是那幾百塊錢就是不值幾百塊錢啦!


你有無試過,去買HI FI,買完啦,果sales同你講,呢部機其實都係值八十分,因為個喇叭唔好聲,又無得播mp3。大佬,你早晌我唔會買丫!情況就同睇演唱會一樣,睇完啦,你覺得都ok,點知個歌手又話沙聲、又話無時間綵排、又話打針開聲、又話機件故障,總之就一定有問題,然後就話都係值七十分。咁點呀,我係咪可以拎住張飛叫你俾番個七折我呀?


乜作為藝人,唔係次次都要一百分咁賣命表演咩?唔係每次都要一絲不苟志奉獻血汗咩?難道他們認為其餘的可以由熱情和期待來填補?那麼我又要問,你們憑甚麼認為觀眾對你們的熱情和期待,可以填補你自評失掉的那三十分呢?


所以老一輩歌手是被值得尊敬的。汪明荃、羅文,人所共知的追求完美,每一次都是全情的投入,為的已經不是衡量觀眾覺得值回票價與否,而是那種無色無味、追求藝術性完美的精神境界。

留言

熱門文章