愛上回舊公司的人

今早看到有公司的舊職員,準時九時正回到公司,與其他同事聚舊。其實他已離職了超過一年,但仍心繫此地,所以每星期也總可見到他回來。出來工作以後,我也認識很多人,會經常回舊公司與舊同事吹水。我認為這些人與那些只看張偉文方伊琪甚或徐小鳳許冠傑的「樂迷」一樣,把自己設限於固有的框框之內,雖然他們也可能在新工作中另有天地,但為何要隔個星期甚或定時定候在舊公司出現?現代科技那麼方便,為何不可撥個電話,打個電郵也可以保持聯絡,為何一定要親身示範熱情如火重拾舊歡?
我從來不會特別走到舊公司跟舊同事聚舊,印象中只有試過一次回舊公司,但那次是交稿,不是聚舊。可能是我的性格關係,以往的舊同事已很少聯絡,真正交上朋友的僅一兩位,因為大家興趣相近。經常回舊公司,可能是因為個人性格的缺陷,始終不敢面對新的環境,需要一點實在的,已習慣的氣氛來讓自己稍事休息(逃避?),這樣於己實在無益。我也不能否定那些人是真心想保持關係,但正如我早前已說過了,電話電郵一樣可以,不用親身回公司這麼高姿態的。
對於這類喜歡泡舊公司的人,我想我對他們的偏見是出於讀中學時期的一位師兄。那時自己正讀中六,那位師兄已在大學讀書,但他仍基常回校與老師見面。我和他基本上互不認識,但那時的我已對他留下極壞印象。我直覺上認為他回來是想向一眾學弟晒命,「拿,我家陣係大學生黎架啦,俾你睇下咩叫大學生風範啦」又或者是做給我們看,只要你成為大學生如我者,即係同學校脫勾,就可以同老師校長們平起平坐,「我返黎探佢地架咋,你地就係有事先要見佢地」。所以我甚少回母校,除了那些乜鬼六十五週年校慶要陪朋友回校參觀開放日諸如此類,就是因為我不想重蹈此人的覆轍。回母校又如何?還不是對著個禮堂,咀上說著那時那時我們怎樣怎樣的話?要那麼快就回憶過去嗎?那些令人懷緬的學習生活,要是真的刻骨銘心的話,不是已經毫無徵兆地儲存在記憶的最深處了嗎?那已是我的一部份,不需要用一些形式來把它召喚出來。

留言

Chika Kwak說…
記得某年有個成日媽媽叉叉話工作辛苦人工低乜乜乜乜既同事卒之跳槽dot com,過無耐就返黎示威,話自己幾風光,又話要著西裝打tie返工真係辛苦,聽到毛管戙。
匿名說…
試下匿名留言先.
你個舊同時九點就已經準時返到(舊)公司表現左佢係幾守時同埋諗舊啦.你返工都無佢咁早呀.(哈哈哈)
講開又講我又好似真係一次都無返到你呢間舊公司喎.習慣上都係唔會返的. 如果有相熟既朋友, 約出來食飯就會. 如果特別返去, 最唔想既返而係人地忙緊又要應酬你同你傾計.
其實離開一間公司, 一定係有d人你唔想(又或好唔想見), 咁樣點會無厘頭走返轉頭去見佢地呀.

舊同事上(你知我係邊個個呵)
dosss說…
我呢間公司咁多人出出入入,都真係估你唔到係邊個喎!不過都多謝你黎舍下留個言。
匿名說…
儀式變成公式
回母校算係一種儀式,5年10年一次,足矣;反正眼前景觀人物都喚唔起腦海沉睡的記憶,無謂。

熱門文章