2012-05-15

餐桌禮儀

「唔好飲啦,一陣要渣車呀你。」
「唔該幫我包起件雞胸肉呀。」
「咁遲先帶我食好野你就唔啱啦!」
「我唔識飲酒架,最緊要入口舒服,有乜所謂!」
「呢碟又邊夠我上次去東莞食果碟xxxx好味呀!」
「呢度幾好,d餸夠大碟!」
「跟得我的女人,梗係要飲得!」
「下次你嚟,講我個名,就得架啦!」
「你唔係唔飲咁唔俾面呀嘛。」
「呢d野,係上等人先有得食,我依家就請你食啦!」(by 蘇文峰)

2012-05-11

Loafers

今年說loafers回歸,一直光顧的鞋店不論英國傳統高檔及日本復刻潮物都出了多款,雜誌狂煲自是例行公事。好此道者搬出大條道理,英國傳統紳士服、六十年代潮流歌手icon制服、學院look必備單品,不一而足。你不小心就會上當的了,就像人人都在做的摺褲腳。 Loafers當便服,我沒見過不摺褲服的版本,不過就算襯到絕,都始終不著邊際。Loafers還是讓爸爸級的外國白人穿正統西服時出現吧,或者長腿姐姐迷你裙學生襪下面再生。沒鞋帶本來在意識上也夠優閒的了,但穿襪嗎?山系呀?摺起褲腳扮潮童?我不想見到腳毛並舉。總之九唔搭八,無論你野獸樣斯文look外星樣型英帥靚正點都好,Loafers還是留給西服的。你說的對,那些surf-siders甚麼的,說在夏天襯短褲裝個水手look,大家還是不要出來獻世好了。港男個個瘦到無朋友,露兩條光管固然側目,但你夠堅壯又如何?俾你再靚,短褲加對帆船Loafers,都只係一個靚水手。 摺褲腳易學難精,一味摺加對boots大概只是山系的玩意。若果你樣子是正常無穿無爛無留鬚,總之人海中我是誰果隻,都係唔好搞呢家野。摺完,比例唔好會出事,無啦啦下身dress down同自己個樣唔夾又出事,摺咗著對花襪加wing-tips唔覺意以為係蒙古症。至於潮look人事即外星人野獸look加粗大黑框人士,摺褲腳只適用於街頭服look,是為記。